En Dënschdeg tëscht 8.15 an 8.45 Auer konnt Dir live op Radio Lëtzebuerg eis Är Meenung soen.

En Dënschdeg de Moien tëscht 8h15 an 8h45 hat Dir d’Wuert bei eis um Radio. Mir wollte vun Iech wëssen, wat Dir vun der Reaktioun vum Grand-Duc op de Waringo-Rapport haalt, deen hie scho vum Premier presentéiert krut, mä awer nach net public ass.

Dir hutt d'Wuert vum 28. Januar

De Gros vun de Leit, déi sech bei eis gemellt hunn, waren der Meenung, datt et richteg vum Staatschef wier, fir sech viru seng Fra ze stellen. An do kéinten, grad an der aktueller Situatioun, och emol méi Emotioune mat dobäi sinn.

Wat de Waringo-Rapport betrëfft, sinn d’Meenungen ausernee gaangen. War et fir verschidde Leit richteg a wichteg, datt e gemaach gouf, huet sech d’Fro awer gestallt, ob dëse misst public gemaach ginn.

Fir déi eng muss esou e Rapport onbedéngt publizéiert ginn, anere geet et duer, wann et an der Chamber beschwat gëtt an do Decisioune geholl ginn.