Uganks op Englesch an elo och op Lëtzebuergesch huet d'Pascale Barthel hir Infektioun mam Coronavirus dokumentéiert.

Op engem Freideg den 13. Krut si d’Nouvelle, si wier och positiv op de Coronavirus getest ginn. D’Pascale Barthel, eng 42 Joer al Lëtzebuergerin an Asthmatikerin.

Si huet sech dozou decidéiert, hir Infektioun an d’Suitten dovun op Youtube ze dokumentéieren. Mir hunn mat der Betraffener geschwat a si huet erzielt, wéi d'Infektioun hire Laf geholl huet, wat d'Symptomer sinn a wéi et hir duerno geet.

Video-Interview mam Pascale Barthel
Pascal Barthel erzielt wei si mat der Virus-Infektioun ëmgeet

Verlaf vun der Infektioun

Et huet ugefaange mat dréchenem Houscht a Féiwer. D'Féiwer ass 4 Deeg laang bliwwen.
Dréchenen Houscht a Féiwer. Et sinn déi Symptomer vum Covid-19, déi am heefegsten optrieden. D'Féiwer goung fort. Hire Gesondheetszoustand duerno: tëscht enger hefteger Gripp an enger liichter Longenentzündung.

Déif Loft huelen oder Trape goen, ass dem Pascale Barthel schwéier gefall. Dobäi ass si sportlech a jonk, ma grad dofir awer zouversiichtlech. Si ass um Wee vun der Besserung, ass awer der Meenung, dass eeler Leit dat net esou gutt ewechstiechen.

Appell un d'Leit

Bleift doheem an haalt Iech vun eelere Leit ewech.

Dat also och de Rot vum Pascale Barthel, déi sech mam Coronavirus infizéiert huet. Doheem bleiwen ass also d'Devise an eng eidel Stad ass den Ament erwënscht.