Déi Fro wërft de Syndikat Erzéiung a Wëssenschaft vum OGBL e Freideg op am Kontext vun den Diskussiounen ëm déi nei Kleederuerdnung am Dikrecher Lycée.

De Lycéesdirekter vum LCD hat eng Plainte géint e Jonke vun 19 Joer gemaach, deen eng Karikatur vun him gemoolt hat, dës Plainte huet de Marcel Kramer awer nees zeréckgezunn.

Eng Schülerin war och vun der Schoul suspendéiert ginn. D'Gewerkschaft versteet net, wéi e Pedagog an enger héijer Positioun eng Plainte wéinst enger wuel gewoter Karikatur gemaach huet, déi vläicht och Mauvais goût war, mä den Auteur hätt nëmme seng Meenung ausgedréckt. Wou si mer hikomm am prüde Grand-Duché, datt Jonker bestrooft ginn, nëmme well se hir Meenung iwwert e Reglement soen, wat hinne widderstrieft.

Ass et wierklech néideg, fir am Joer 2020 un d'Grondprinzippie vun eiser Gesellschaft z'erënneren? Dat freet den SEW, deen de Fändel vun der Meenungsfräiheet héichhale wëll.

De Marcel Kramer bezitt an de soziale Medie Stellung

Am LCD, wou ech den Direkter sinn, gouf et am Ufank vum Schouljoer vill Opreegung wéinst eisem "Code vestimentaire"...

Gepostet von Marcel Kramer am Freitag, 16. Oktober 2020