Wéinst engem Aarbechtskontrakt tëscht dem Frank Engel an dem CSV-Frëndeskrees gouf eng Enquête préliminaire opgemaach.

Et sinn och Perquisitioune gemaach ginn.

D'Ermëttlunge ronderëm en Aarbechtskontrakt tëscht dem Frank Engel an dem CSV-Frëndeskrees sinn ofgeschloss. Dës RTL-Informatioun krute mer vun der Justiz confirméiert.

An engem anere Volet - dem Remboursement vun de Sozial-Cotisatiounen - ass d'Enquête allerdéngs nach net ganz fäerdeg. De Parquet Lëtzebuerg geet dervun aus, datt déi néideg Demarchen an deenen nächste Woche kënnen ofgeschloss ginn.

Wat e méigleche Prozess ugeet, esou probéiert de Parquet Lëtzebuerg dësen Dossier bis virum Enn vum Joer an enger ëffentlecher Sëtzung verhandelen ze loossen. Op där Plaz gëtt dann och iwwert d'Scholdfro decidéiert. Deemno gëllt bis op Weideres d'Présomption d'innocence.

Als Rappell: Verschidden CSV-Deputéiert hate jo hiren deemolege President beim Parquet denoncéiert. Dat wéinst engem Aarbechtskontrakt tëscht dem Frank Engel an der ASBL CSV-Frëndeskrees. Eng Pai vu 40.000 Euro war iwwerwise ginn. De Parquet hat eng Enquête préliminaire opgemaach an et goufen och Perquisitiounen gemaach.

Bei der zweeter Affär, wou d'Enquête nach net ganz fäerdeg ass, geet et drëms, datt de Frank Engel seng privat Cotisatiounen aus der Parteikeess bezuelt krut. Do geet et ëm 6.000 Euro.

Op eis Nofro hin huet de Frank Engel gesot, datt hien d’Decisioun vum Parquet net wéilt kommentéieren.

Schreiwes vum Parquet

Communiqué du parquet de Luxembourg en relation avec un contrat de travail entre le « CSV Frëndeskreess » et Monsieur Frank Engel

(15.06.2021)

L’enquête en relation avec un contrat de travail entre le "CSV Frëndeskrees" et Monsieur Frank Engel a été clôturée récemment. Dans l’autre volet relatif au remboursement des cotisations sociales, l’enquête n’est par contre pas encore tout à fait terminée. Le parquet de Luxembourg estime que les devoirs en question pourront être terminés dans les semaines à venir.

En ce qui concerne la tenue éventuelle d’un procès devant le tribunal correctionnel, le parquet envisage la fixation à une audience publique avant la fin de l’année 2021.

Le parquet tient à rappeler qu’en vertu du principe de la présomption d'innocence toute personne, qui se voit reprocher une infraction, est réputée innocente tant que sa culpabilité n'a pas été retenue par une décision définitive du tribunal compétent.