Et wier awer keen homogeent Bild, heescht et am nationale Rapport iwwert d’Situatioun vun de Jonken 2020, dee vun der Uni.lu ausgeschafft gouf.

D'Wuelbefannen an d'Gesondheet vun de Jonken tëschent 12 an 29 Joer zu Lëtzebuerg steet am Mëttelpunkt vum Jugendrapport 2020, dee vun der Uni Lëtzebuerg ausgeschafft an e Mëttwoch virgestallt gouf. Allgemeng ass et e positiivt Bild: 3 vu 4 Jonke schätzen hir Liewenszefriddenheet op mëttel bis héich an, déi jonk hunn och e gutt Gesondheetsgefill, besser wéi déi Jore virdrun, an och am internationale Verglach ass Lëtzebuerg am ieweschte Mëttelfeld. Mee dat gëllt awer net fir all Jonken.

D'éischt emol zu den allgemengen Tendenzen. Hei gesäit ee méi Belaaschtung duerch Stress, Veronsécherungen duerch Jugendchômage, prekär Aarbechtsverhältnisser an Aarmutsrisiko an och Zukunftsängscht duerch d'Logements- an d'Klimakrisen. Positiv Entwécklungen: déi Jonk drénken a fëmme manner, erniere sech besser an hu manner Mobbingerfarungen, sou de Prof. Dr. Robin Samuel vun der Uni Lëtzebuerg.

"Wir sehen aber eine Zunahme, wenn es um Übergewicht geht, also ungefähr eine von 4 jugendlichen Personen ist übergewichtig. Zunahme auch von multiplen psychosomatischen Beschwerden, hier sprechen wir von depressiven Symptomen, Nervosität, Kopfschmerzen und dergleichen mehr. Also ungefähr eine von 3 jungen Personen ist betroffen auch von mehreren dieser Beschwerden, bis hin auch zum Anstieg von psychotherapeutischen Behandlungen."

Bei all deene Phenomener gesäit een Ënnerscheeder tëschent den Altersgruppen, awer och tëschent Meedercher a Jongen.

"Wir sehen, dass Mädchen und junge Frauen stärker sensibilisiert und interessiert sind, wenn es um Gesundheitsthemen geht, aber auch stärker betroffen durch psychosoziale Probleme, haben eher ein geringeres Wohlbefinden und in der Tendenz negativeres Körperbild. Wenn wir kucken, wie es bei den Jungen und jungen Männern ist, da sehen wir mehr das Problem, dass Übergewicht vorliegt, dass mehr getrunken wird, dass weniger auf gesunde Ernährung geachtet wird."

Jongen a jonk Männer maachen dofir awer méi Sport.

Ee wichtege Facteur ass iwwerdeems de sozio-ekonomesche Background vun deene Jonken - privilegéiert Jonker si méi zefridden a fille sech méi wuel, wéi Jonker aus defavoriséierte Milieuen. An dat Phenomen gouf duerch d'Pandemie verschäerft. Iwwer 70 Prozent vun de Jonken aus defavoriséiertem Milieu waren zejoert net zefridde mat hirem Liewen, 2019 war et d'Hallschent vun de Jonken, déi hire sozio-ekonomesche Status als niddereg aschätzen.

"Das heißt, dass Personen mit einem tiefen sozio-ekonomischen Status eine stärkere Verschlechterung der Lebenszufriedenheit erfahren mussten. Interessanterweise, Personen mit einem hohen sozio-ekonomischen Status, da ist sogar der Anteil der Personen, die eine sehr hohe Lebenszufriedenheit haben, der ist sogar leicht noch gewachsen."

RTL

SES = sozio-economesche Status (ndlr)

Déi Jonk hätten d'Coronamesuren allerdéngs iwwerraschend gutt akzeptéiert.

"Die wurden als angemessen und gerechtfertigt eingeschätzt, also ungefähr 6 von 10 Jugendlichen haben gesagt, das ist absolut angemessen, 2 von 10 haben sogar gesagt, das ist eigentlich zu wenig streng, das müsste eigentlich noch strenger sein und eine von 10 jungen Personen hat gesagt, diese Maßnahmen halte ich für eher übertrieben."

Dobäi wier et deene Jonken net ëm sech selwer gaangen, mee si wollten déi vulnerabel Leit schützen.

D'Erkenntnisser aus dem Jugendrapport sollen elo an de Jugendpakt, den Aktiounsplang 2021-2025 fir d'Jugend afléissen, deen am Hierscht presentéiert gëtt. Et misst een op e puer Niveauen usetzen, sou den Educatiounsminister Claude Meisch, engersäits an der Schoul um Niveau vum CePAS, awer och bei der non-formeller Bildung an am direkte sozialen Ëmfeld.

"Mir wëllen dofir den Office national de l'enfance nach méi staark regionaliséieren, fir datt e méi no och bei deenen do schouleschen an ausserschouleschen Institutiounen ass. Mir wäerten awer och d'Iddi vun der Eltereschoul nach ee mol nei denken a méi breed opmaachen an och méi um Terrain verankeren an och méi mat deenen anere schouleschen an ausserschouleschen Akteure vernetzen, fir méiglechst vill Famillen och do kënnen z'areechen."

D'Auteure vum Rapport recommandéieren ënnert anerem, d'Schoulprogrammer méi op Kanner a Jonker aus defavoriséiertem Milieu auszeriichten, méi op Gender-spezifesch Problemer anzegoen, op d'mental Gesondheet opzepassen an d'Famillen ze stäerken.

Fir de Jugendrapport 2020 goufen 2 Ëmfroe gemaach, engersäits d'Health Behavior Studie mat 8.001 Participanten, an anerersäits d'Youth Survey Luxembourg mat 2.500 Participanten. Zousätzlech goufen Interviewe mat 62 Jonke gefouert an 23 Experte consultéiert. Spezifesch fir d'Covidkris gouf iwwerdeems nach emol eng representativ Ëmfro mat 3.768 Jonke gemaach an Interviewe mat 22 Jonken an 11 Experten.