E Méindeg de Mëtteg hat zu Schëffleng an der Géigend vun der Maison relais an der Cité op Hudelen e Bus Feier gefaangen.

Wéi de Cédric Gantzer vum CGDIS confirméiert, goufe beim Brand keng Persoune blesséiert. RTL-Informatiounen no hat de Bus op Kanner gewaart. Zum Zäitpunkt, wou et zum Feier koum, waren awer keng Kanner am Bus.

© RTL Mobile Reporter / Manon Hopp
© RTL Mobile Reporter / Manon Hopp
© RTL Mobile Reporter / Manon Hopp
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Detailer zu der Ursaach vum Feier goufe keng genannt. Den 112 preziséiert e Méindeg am Nomëtteg, datt d'Rettungsdéngschter vun Esch a Schëffleng um Asaz waren.

De CGDIS um Asaz zu Schëffleng
An der Géigend vun der Maison relais an der Cité op Hudelen hat e Bus Feier gefaangen, deen do op Kanner gewaart hat.