D'Ardennenoffensiv war eng vun de schlëmmste Schluechten zu Lëtzebuerg. E spezielle Wanderwee soll d'Geschicht vun deemools erzielen.

Et war e batterkale Wanter, dee vun 1944. Wärend déi alliéiert Zaldote scho vun engem Chrëschtdag bei der Famill gedreemt hunn, hëlt Nazidäitschland nach eng Kéier aus fir eng lescht verzweiwelt Offensiv. Taktesch Entscheedunge vun uewen, Misär an Doud um Terrain. An de Bëscher vun den Ardennen ass et zu ellene Kämpf komm, op deenen zwou Säite sinn et grouss Verloschter ginn.

En däitsche Panzer an d'Gebai donieft, zerstéiert vun enger Fligerbomm, am Oste vu Lëtzebuerg (Februar 1945) / © Photo by Leemage via AFP
En Fliger vun der däitscher Luftwaffe, deen ofgeschoss gouf, bei Aasselbuer am Januar 1945. / © Photo by Leemage via AFP
Amerikanesch Zaldote mat enger Anti-Air-Gun genannt "The Fighting Mack" bewaachen de Loftraum iwwer Wolz (22. Januar 1945) / © Photo by Leemage via AFP
Déi zerstéiert Kierch vun Ischpelt. (11. Januar 1945) / © Photo by Leemage via AFP
Eng Patrull vun der 80er Infanterie vun den USA den 8. Januar 1945 bei Dol. / © Photo by Leemage via AFP
Eng Grupp vun däitschen Zaldote gëtt vun der US-Militärpolice bewaacht. (Januar 1945) / © Photo by Leemage via AFP
Zaldote vun der I. US-Arméi lueden hir Howitzer no. (22. Januar 1945) / © Photo by Leemage via AFP
D'Zaldote vun der 26. Divisioun gi vun de Bierger vu Wolz empfaangen (23. Januar 1945) / © Photo by Leemage via AFP
En Offizéier an e Kaperol vun der III. US-Arméi op der Siche no eventuelle Minnen zu Wolz (23. Januar 1945) / © Photo by Leemage via AFP
Zwee Zaldote vun der 26. Divisioun op Patrulle an de Ruine vu Wolz (23. Januar 1945) / © Photo by Leemage via AFP
Deeler vun der 90e an 60e Divisioun den 22. Januar 1945 bei Lëllgen. / © Photo by Leemage via AFP
Deeler vun der III. US-Arméi, déi sech géint däitsch Beschoss schützen. (Ufank Januar 1945) / © Photo by Leemage via AFP
Truppe vun der III. US-Arméi wärend der Géigenoffensiv vun den Alliéierten an der Géigend vu Veianen Enn Januar 1945. / © Photo by Leemage via AFP
Panzer vun der US-Arméi, déi vun den däitschen Truppen kampfonfäeg gemaach goufen. Si stinn an der Géigend vun Tratten (22.1.1945) / © Photo by Leemage via AFP
Am Februar 1947 stinn nach ëmmer zerstéiert Panzer vun den Däitschen an den Alliéierten an der Géigend vun Allerbuer. / © Photo by Leemage via AFP
80 Joer Ardennenoffensiv - Historesch Fotoen (13.12.24)
© Photo by Leemage via AFP
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Haut, 80 Joer méi spéit, gëtt vill dru gesat, dass sech un déi Feeler, Geschichten an Tragedië vu fréier erënnert gëtt. Dat ass och d'Zil vum Sentier de la mémoire um Schumannseck vum Dikrecher Militärmusée an dem Naturpark Uewersauer. Ee Projet, deen un dat erënnere soll wat war, geriicht un déi Generatiounen, déi kommen.

D’Konzept vum Wee ass an Zesummenaarbecht mat Unisstudenten an Atelieren an de Lycéeën entstanen. Do koum raus, dass dräi Punkte musse stëmmen, fir Geschicht attraktiv ze vermëttelen. Dat éischt wär, dass et soll authentesch sinn. Zweetens soll et net ze vill ze liese sinn an nei Technologië solle mat abezu ginn an drëttens sollen och Kontexter geschaaft ginn, bei deenen d’Vergaangenheet d’Probleemer vun haut erkläre kann.

Entstanen ass deen ee, respektiv zwee Kilometer laange Wee am Bësch vun den Ardennen. Et ass genee op där Plaz, wou virun 80 Joer gekämpft gouf. Et fënnt een um Wee Figuren, déi aus Fotoe gemaach goufen, vu Leit, déi et wierklech gi sinn. Ënnerwee kann ee QR-Codë scannen, déi engem d'Geschicht vun den eenzele Leit, déi een um Wee begéint ,erkläert.

Zum Beispill kritt een d’Geschicht vum Melchior Haus erzielt, eng Famill vun Zivilisten, déi net méi mat Zäite flüchte konnt an esou matten an déi bluddegst Schluecht zu Lëtzebuerg geroden ass.

Vum nächste Méindeg u start bei eis dann och en neie Podcast mat allen Informatioune ronderëm d'Ardennenoffensiv. Dee fannt fir da wéi gewinnt op RTL Play an iwwerall do, wou et Podcasten ze lauschtere gëtt.