Zwee opfälleg Automobiliste goufe vun der Police kontrolléiert an a béide Fäll sollt sech erausstellen, dass ze vill Alkohol konsuméiert gouf.

E Méindeg am Nomëtteg gouf eng Automobilist um leschte Steiwer zu Bouneweg gemellt, déi eventuell ze vill gedronk hätt. Eng Policepatrull huet d'Fra dann och ugetraff a bei der Alkoholkontroll konnt de Verdacht bestätegt ginn. De Fürerschäi gouf nach op der Plaz agezunn.

An der Nuecht op en Dënschdeg hunn d’Polizisten e Chauffer gestoppt, deen op der Kräizung  vum Boulevard Royal mat der Neipuertsgaass eng rout Luucht ignoréiert hat. Och hei war den Alkoholtest positiv an de Fürerschäin huet mussen agezu ginn.