E Sonndeg de Moie war der Police gemellt ginn, dass zu Bouneweg ënnert anerem eng E-Trottinett aus enger Garage geklaut gouf.

Wéi d'Police mellt, hat en Onéierlechen Objeten aus enger Garage an der Rue des Gaulois zu Bouneweg geklaut, dorënner och eng E-Trottinett. Am Kader vun der Sich konnt de Verdächtegen zesumme mat der E-Trottinett zu Esch op der Gare gestallt ginn. Bei him goufen ausserdeem weider geklaut Saache séchergestallt.

Op Uerder vum Parquet gouf Protokoll erstallt. D'Besëtzer kruten hir Saachen zréck.