Op der N11 koum et ëm kuerz viru 16 Auer zu engem schroen Accident tëscht engem Vëlo an engem Camion, dat op der Héicht vum Méchelshaff.

Wéi d'Police matdeelt, ass d'Strooss tëscht der Schanz (Altréier) a Lauterbuer aktuell a béid Richtunge gespaart. Eng Deviatioun dirigéiert de Verkéier iwwer Konsdref a Scheedgen.

Op Nofro confirméiert d'Police, datt de Vëlosfuerer nach op der Plaz reaniméiert gouf. Hie gouf a kriteschem Zoustand mam Rettungshelikopter an d'Spidol bruecht.