Wéi d'Police mellt, hate sech e Mëttwoch am Nomëtteg zwee Männer op der Gare zu Rodange an d'Hoer kritt.

Ee vun de Männer soll e Messer gewisen hunn. Spéider konnt d'Police am Kader vun enger Sichaktioun dëse Mann stellen, deen nawell och fatzeg an d'Glas gekuckt hat. D'Beamte konnten effektiv och e Messer saiséieren. Et gouf protokolléiert. Ma well de Mann duerch säin Zoustand eng Gefor fir sech an anerer duergestallt huet, koum hien no enger Kontroll beim Dokter an Arrest.