E Sonndeg den Owend kuerz virun 20 Auer sinn op der Streck tëscht dem Schumannseck an dem Pommerlach zwee Autoen anenee gerannt. Eng Persoun gouf bei deem Accident blesséiert. Am Asaz waren d’Pompjeeë vum Stauséi an d’Ambulanz vu Wolz.
Kuerz no 21 Auer huet et zu Sandweiler an der rue de Contern an engem Keller vun engem Gebai gebrannt. D’Pompjeeë vun Hesper, Mutfert a Sandweiler waren op d’Plaz geruff ginn, fir ze läschen. Och d’Ambulanz vum Findel war am Asaz. Zwou Persoune goufe verwonnt.
