Vun den am Ganzen 68 Prolek-Bauere liwweren der vum 1. Abrëll 2027 u 50 hir Mëllech un d'Luxlait. Dat huet de Lëtzebuerger Mëllech-Produzent e Mëttwoch an engem Schreiwes confirméiert.
Den entspriechende Kontrakt tëscht de Baueren an der Entreprise Solarec, bei där Luxlait Aktionär ass, ass e Mëttwoch ënnerschriwwe ginn.
Et hätt een eng Léisung fonnt, déi d'Mëllech-Baueren an hir Familljen ofséchert, ma dës géif och Käschten a Risike fir Luxlait mat sech bréngen. Den dauerhaften Erfolleg vun der Léisung géing vun der Kapazitéit vum Lëtzebuerger Marché ofhänken, säin eegene Liewensmëttel- an Agrarsecteur oprecht ze erhalen.
Viru ronn fënnef Méint hat déi franséisch Societéit Lactalis, zu där och d'EKABE gehéiert, annoncéiert, nom 31. Mäerz 2027 keng Mëllech méi vun den 68 Prolek-Baueren anzesammelen.
