D'Associatioun vun de Lëtzebuerger Infirmièren an Infirmieren mécht sech Suergen ëm hire Beruffsstand.
Zum Beispill wieren déi ënnerschiddlech Berechnungsmethode Schold un engem Personalmanktem um Terrain. Sou d'Michèle Halsdorf, Presidentin vun der ANIL, um Méindeg de Mueren am RTL-Interview.
Hei misst eng neutral Instanz geschafe ginn, déi de Besoin u Leit genee definéiert.
Eng weider Fuerderung un der Infirmière-Associatioun ass eng méi héich Formatioun. Am Plaz vum BTS e Bachelor.
Natierlech géif dat méi Personalkäschte bedeiten, mä do misst een als Politik a Gesellschaft wëssen, wat engem e gudden medezineschen Encadrement wäert ass.
D'Anil geet elo bei déi verschidde politesch Parteien, fir datt hir Fuerderunge méiglecherweis an d'Wahlprogrammer stoen kommen.
Invitée e Méindeg war d'Presidentin vun der Anil.
Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.
LIVESTREAM: RTL Radio Lëtzebuerg live lauschteren
