Ni op enger friemer Telefonsnummer zeréckruffen, déi een net kennt, an déi sech um Handy affichéiert.Den Tuyau gëllt dëser Deeg méi wéi soss, wëll nees eng Serie vun esou Attacken, och nach als "Wangiri-Bedruch" bezeechent, zu Lëtzebuerg notéiert gëtt.D'Well vun esou Appellen huet en Donneschdeg am Nomëtteg ugefaangen.Wéi den Operateur Orange matdeelt, géife suspekt Nummere blockéiert ginn, mä et gëllt natierlech op kee Fall op net bekannt Nummere mat z.B. der Virwal 352 oder 33 zeréckzeruffen, well ee soss op Tonga op der Martinique erauskënnt, an da gëtt et eng deier. Concernéiert vun dësen automatiséierten "Ping back calls" sinn all Operateuren am Land.
Beispiller vu verschiddene Fake-Nummeren:
35233821782873 |
33821782873 |
67579989379 |
35233821782877 |
33821782877 |
35233821782890 |
35233821782874 |
33821782874 |
33821782875 |
35233821782875 |
6766867387 |
De Bedreiwer Tango fir säin Deel schwätzt vu vereenzelte Fäll, massiv Attacken hätte si net an Uecht geholl. Et géif een d'Saach awer am A behalen.
