RTL-Informatiounen no géif en Tëscherapport vum Hausbrand virleien. Aus dësem géif ervirgoen, datt duerch perséinlech Schold d’Feier um Moie vum 6. Dezember 2022 am Haus ausgebrach wär. De Gas an enger Kiche wär vergiess ginn zouzedréien. An dësem Rapport géif awer net preziséiert ginn, bei wéi enger Famill an der Kichen dëst geschitt wär. Op Nofro hin huet de Parquet d’Informatioun net kommentéiert.
Beim Feier op Niklosdag ass deemools e klenge Bouf vu 6 Joer gestuerwen. Déi betraffe Famill wunnt zanter ronn 3 Wochen an enger neier Wunneng zu Esch. Am Ganze sechs Familljen hunn am eelere Gebai gewunnt an hu misse relogéiert ginn. Nach ëmmer hätt eng Famill keen neit Doheem.
