E Méindeg de Moie war d'CSV-Fraktiounscheffin Martine Hansen eis Invitée vun der Redaktioun.

Eis normal Instanze si wéi e Schleek am Verglach mam Verbreede vum Coronavirus. Dowéinst hunn mer d'Noutstandsgesetz an der Chamber e Samschde matgestëmmt. Dat sot d'CSV-Fraktiounscheffin e Méindeg de Mueren am RTL-Interview.

D'Martine Hansen sot awer, et wier e Vott mat Bauchwéi gewiescht. Den Noutstand fir zwee Méint, am Plaz direkt de Maximum vun 3 Méint, dat wier villäicht déi besser Optioun gewiescht.

No zwee Méint hätt een d'Situatioun dann evaluéiert, an dann iwwert eng weider Verlängerung decidéiert. Mä et wollt een der Regierung all d'Moyene ginn, fir kënne séier op de Virus ze reagéieren.
Elo wiere mer all an der Oppositioun, an zwar an der Oppositioun géint de Virus, sou nach d'Martine Hansen vun der CSV.

Et wier net den Ament Politik mam Leet vun de Leit ze maachen. Hier Partei géif awer dohannert bleiwen, datt och den Indépendante gehollef gëtt, fir d'Kris ze packen.
D'Ausso vun der Procureur d'Etat Martine Solovieff , datt d'Riichter elo déi streng Strofe wäerte spriechen, gesäit d'Martine Hansen iwwregens als Amëschung an d'Aarbecht vun der Justiz.

Invité vun der Redaktioun: Martine Hansen

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.