E Freideg de Moie war den Epidemiologist vum Laboratoire national de santé eisen Invité vun der Redaktioun.

Nach wësse mer net, wéini den Héichpunkt vun der Corona-Kris hei am Land ass. Et géif een elo awer scho gesinn, datt d'Zuele vun den offiziell Infizéierte méi lues an d'Luucht ginn, dat wär encourageant. Dat seet den Dr. Joël Mossong, Epidemiolog am Staatslabo. Hie war e Freideg de Moien eisen Invité. Nach wär et awer ze fréi, fir eppes Geneeës ze soen. Op kee Fall kéint een elo ophale mat de Mesuren.

Zu Lëtzebuerg gräife schonn zanter bal zwou Woche déi streng Mesuren – et soll een doheem bleiwen – et kéint ee sech also erwaarden, datt d'Zuel erofgeet. Déi nächst Deeg a Woche wäerten dat weisen.

De Joël Mossong ka sech net virstellen, datt déi aktuell streng Mesuren an den nächste Wochen ophalen. Mir wieren och ofhängeg vun den Nopeschlänner.

Lëtzebuerg hätt fréi genuch reagéiert, mengt den Epidemiolog. D'Regierung géif e worst-case-Szenario preparéieren, dat wär richteg.

Invité vun der Redaktioun: Joël Mossong

De VIDEO-Interview mam Joël Mossong op RTL Télé Lëtzebuerg (No 20 Auer)


Wéi séier verbreet sech de Virus a wat sinn déi Moossnamen, déi d'Politik bis geholl huet déi richteg aus der Siicht vun der Wëssenschaft ? Wat sinn déi neisten Erkenntnisser ? Doriwwer huet d'Caroline Mart sech mam  Epidemiolog ënnerhal am Haff vum LNS, dem Laboratoire National de Santé, wou hie fuerscht.
An dëser laanger Versioun gëtt ee gewuer, wéi de Virus mutéiert, eppes wou de Joël Mossong a seng Ekippen dru fuerschen, et geet ëm Antikierpertester, fir gewuer ze ginn, wien alles schonn d'Kränkt hat, an ëm eng Initiative iwwer Twitter a Facebook, déi och op Science. lu ze fannen ass, wou jidderee matmaache kann.

Interview mam Joël Mossong
Wéi séier verbreet sech de Virus a wat sinn déi Moossnamen, déi d'Politik bis geholl huet, déi richteg sinn aus der Siicht vun der Wëssenschaft?


Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.