1. Fräien Training live dëse Freideg um 6:25 Auer op RTL ZWEE an um RTL PlayFormel 1: Grousse Präis vu Barhain a Malaysia

RTL Lëtzebuerg

De Grousse Präis vu Bahrain gëtt dëse Weekend ausnahmsweis net an der Wüst, mee am tropesche Malaysia gefuer. Wéinst der aktueller Situatioun am Mëttleren Osten gouf de Grand Prix op de legendäre Sepang International Circuit verluecht.

Verëffentlecht: 01.10.26 15:57, Update: 01.10.26 16:09

Fir d'Formel 1 ass et e ganz besonnesche Comeback: Zanter 2017 gouf hei kee Grand Prix méi gefuer. A Sepang waarden op d'Piloten héich Vitessen, séier Kéieren an e Wieder, dat zu all Moment fir eng Iwwerraschung suerge kann. Reenschaueren sinn dësen Weekend net ausgeschloss.

No der Course zu Baku ass d'Spannung am Titelkampf nees geklommen. George Russell huet de Grousse Präis vun Aserbaidschan gewonnen an domat de Réckstand op säi Mercedes-Teamkolleg Kimi Antonelli vun 81 op 66 Punkte verkierzt. Deemno ass d'Fro: Kann de Russell zu Sepang weider Punkten op den WM-Leader ophuelen oder schléit den Antonelli zeréck? A wat kënnen d'Red-Bull-Piloten an de Rescht vum Feld géint déi zwee Mercedes ausriichten?

Suivéiert de FORMULA 1 QATAR AIRWAYS AZERBAIJAN GRAND PRIX 2026 live op RTL ZWEE an RTL PLAY.

Commentaire: Tom Nols

Är Froen an Äre Feedback un den Tom Nols

Och dës Saison kënnt Dir wärend de Fräien Traininge mam RTL-Commentateur Tom Nols kommunizéieren. Schéckt Är Froen an Äre Feedback einfach per WhatsApp op d'Nummer 621 777 888.

Login, fir d'Formel 1 am Stream op RTL PLAY ze kucken

Wéinst de strengen Anti-Piratage-Virschrëfte vun der Formel 1 sinn d’F1-Contenuen op RTL PLAY mat engem Login protegéiert. Wien d’Livestreamen an d’Replaye vun de Formel-1-Courssen op RTL PLAY kucke wëllt, muss sech mat sengem RTL-Benotzernumm an -Passwuert aloggen. Et brauch een awer och weiderhin näischt fir d’Formel 1 op RTL PLAY ze bezuelen.

Weider Informatiounen iwwer den RTL-Login, fir F1-Contenuen op RTL Play ze kucken...

Programm

Fräien Training, mir iwwerdroen de Programm um RTL Play

Freideg, 2. Oktober 2026: 6h25 – 7h35
Commentaire: Tom Nols

Freideg, 2. Oktober 2026: 9h55 – 11h05
Commentaire: Tom Nols

Samschdeg, 3. Oktober 2026: 6h25 – 7h35
Commentaire: Tom Nols

Qualifikatioun, mir iwwerdroen de Programm vun RTL ZWEE um RTL Play

Samschdeg, 3. Oktober 2026:
Ufank vun der Emissioun: 9h55
Start vun der Qualifikatioun: 10h00
Viraussiichtlecht Enn vun der Emissioun: 11h10
Commentaire: Tom Hoffmann
Expert: Dominique Riefstahl

Course, mir iwwerdroen de Programm vun RTL ZWEE um RTL Play

Sonndeg, 4. Okotber 2026:
Ufank vun der Emissioun: 8h30
Depart vun der Course: 9h00
Viraussiichtlecht Enn vun der Emissioun: 11h15
Commentaire: Tom Hoffmann an Tom Nols
Expert: Dominique Riefstahl