An England huet Manchester United Chelsea London keng Chance gelooss a gewënnt kloer mat 4:0.

Däitschland - DFB-Pokal

Waldhof Mannheim - Eintracht Frankfurt 3:5

Mannheim war fantastesch an de Match gestart a konnt schonn direkt an der 3. Minutt a Féierung goen. No engem Schoss vum Korte huet den Trapp de Ball op d'Säit ofgewiert, de Maurice Deville kënnt un de Ball, passt eriwwer op de Sulejmani an deen huet de Ball just nach missen an de Gol drécken. An der 11. Minutt huet de nämlechten op 2:0 erhéicht ier Frankfurt awer nees zeréck koum an nach virun der Paus duerch de Kamada (21.') an de Kostic (45.'+1.') ausgläiche konnt. No der Paus sollt et genau esou spektakulär weider goen: Als éischt huet de Marx an der 73. Minutt fir Mannheim mat engem Schoss aus 25 Meter op 3:2 gestallt éier de Rebic mat 2 Goler (76.', 82.') de Match nees gedréint huet. Mat sengem drëtte Gol huet de Rebic an der 88. Minutt dann awer de Match endgülteg entscheet.

Osnabrück - RB Leipzig 2:3

Schonn an der 7. Minutt konnt Leipzig duerch de Sabitzer a Féierung goen mee Osnabrück war onbeandrockt an huet nëmmen 2 Minutte méi spéit den 1:1 duerch den Amenyido geschoss. Mat 2 Goler an 2 Minutten haten déi Leipziger dann awer schonn fir d'Virentscheedung duerch de Klostermann (29.') an de Sabitzer (31.') gesuergt. An der 74. Minutt koum bei den Osnabrücker awer nach eng kéier Hoffnung op wéi den Alvarez per Eelefmeter den 2:3 geschoss huet.

Rödinghausen - SC Paderborn 5:7 n.E.

An der Paus war Paderborn mam Laurent Jans nach mat 2:0 a Féierung duerch Goler vum Hünmeier (29.') an Antwi-Adjei (43.') mee de Regionalligist aus Rödinghausen huet sech net opginn an huet an der 53. Minutt op 1:2 verkierzt mee an der 73.' huet de Mamba nees op 3:1 erhéicht. Allerdéngs huet Rödinghausen alles eragehäit an ass duerch 2 Goler vum Lokotsch (80.', 85.') op 3:3 stellen. Am Eelefmeterschéissen hat déi Paderborner dann awer déi besser Nerven bleiwen domadder knapps vun enger Blamage verschount.

FC Chemnitz - HSV Hamburg 7:8 n.E.

Fir Hamburg war et e richteg schwéiere Match géint e kämpferesche Chemnitzer FC an huet missen bis an d'Eelefmeterschéisse goen. Do hat den HSV déi besser Nerven an zitt nach esou just de Kapp aus der Schléng kënnt eng Ronn weider.

Wehen Wiesbaden - 1. FC Köln 5:6 n.E.

Köln huet sech richteg schwéier gedoen a koum no der Nospillzäit net iwwert en 3:3 eraus, sou dat d'Eelefmeterschéissen huet missen entscheeden. Do goufen der nawell vill verschoss mee Köln huet ee méi erageschoss wéi Wiesbaden a steet domadder an der 2. Ronn.

1. FC Saarbrécken - Jahn Regensburg 3:2

1:0 Jurcher (53.'), 1:1 Besuschkow (64.', Eelefmeter), 1:2 Grüttner (74.'), 2:2 Zeitz (76.'), 3:2 Jurcher (90.'+3.')

England - Premier League

Newcastle United - Arsenal London 0:1

Duerch e Gol vum Pierre-Emerick Aubameyang an der 58. Minutt konnt sech Arsenal mat engem knappen 1:0 géint Newcastle duerchsetzen.

Manchester United - FC Chelsea 4:0

Manchester United huet eng ganz staark Prestatioun gewisen an Chelsea keng Chance gelooss. An der 18. Minutt huet de Rashford ManU mat engem Eelefmeter a Féierung bruecht. Dono ass et awer erop an erof gaangen a béid Ekippen hunn zum Deel ganz schlecht verdeedegt. An der 65. Minutt war et dann de Martial deen no enger Flank vum Pereira op 2:0 erhéije konnt. Nëmmen 2 Minutte méi spéit huet de Pogba eng fantastesch Pass an de Laf op de Rashford gespillt an deen ass äiskal virum Kepa bliwwen. No 81 Minutten war et dann de jonken James dee vu riets aus 13 Meter an de laangen Eck schéisse konnt.

Frankräich - Ligue 1

OSC Lille - FC Nantes 2:1

D'Ekipp vum Gerard Lopez vu Lille konnt sech mat engem knappen 2:1 géint Nantes duerchsetzen. Nodeems den Osimhen Lille an der 19. Minutt a Féierung bruecht huet, konnt den Girotto an der 51. Minutt fir Nantes ausgläichen. Mee den Osimhen konnt an der 80. Minutt mat sengem 2. perséinleche Gol de Match fir déi rout-blo entscheeden.

© AFP

Stroossbuerg - Metz 1:1

1:0 Thomasson (21.'), 1:1 Diallo (47.')