Beim Massestart iwwer 10 km huet sech bei den Dammen Theres Johaug a bei den Hären de Simen Hegstad Krüger duerchgesat.

Bei den Damme wéi och bei den Häre stoung um Sonndeg de Mëtteg de Massestart zu Val di Viemme um Programm.

Den Optakt hunn Damme gemaach. An hei huet sech d'Favoritin Therese Johaug mat 50 Sekonne virum Heidi Weng a 54 Sekonne virum Ingvild Flugstad Östberg souverän am Massestart duerchgesat. Wat de General am Tour de Ski ubelaangt, do louch d'Gewënnerin vum Dag virum Massestart just 3 Sekonne virum Astrid Jacobsen. Ma Therse Johaug war um Sonndeg vun Ufank un hire Géignerinnen e Strapp iwwerleeën, an huet an der géier Schlussmontée näischt ubrenne gelooss.

Bei den Hären hunn d'Spectateure laanscht Streck eng méi spannend Course konnte suivéieren. Just 1 Sekonn hunn de Johannes Hoesflot Klaebo an de Sergey Ustiugov virum Massestart am General getrennt. Kee vu béide sollt awer um Enn ganz uewen um Träppche stoen, wat de General vum Tour de Ski betrëfft. Dem Alexander Bolshunov (virum Massestart de 3. am Klassement) ass bei der Victoire vum Simen Hegstad Krüger an engem ganz spannendem Schluss vun der Etapp eng 4. Plaz duergaangen, fir dësen Tour de Ski ze gewannen.