Am Kader vum Marathon zu Frankfurt um Sonndeg goufen och déi lëtzebuergesch Meeschterschaften organiséiert.

Bei den Häre konnt sech hei de Luc Scheller de Championstitel sécheren, dat mat enger Zäit vun 2 Stonnen, 28 Minutten an 12 Sekonnen. Op déi zweet Plaz ass de Laurent Mei komm (2:46:56), wärend de Claude Schmit (2:47:42) den Drëtte ginn ass.

Bei den Dammen ass den Titel iwwerdeems fir d'Shefi Xhaferaj, déi no 2 Stonnen, 56 Minutten a 27 Sekonnen un der Zillinn ukomm ass. D'Runa Eglisdottir ass hei mat enger Zäit vun 3:09:35 op déi zweet Plaz komm.

D'Victoire am Marathon war fir de Kenianer Brimin Misoi (2:04:53), deen domadder säin Titel verdeedege kann. Bei den Damme konnt d'Ethiopierin Buzunesh Gudeta sech no 2 Stonnen, 19 Minutten a 27 Sekonnen iwwer déi 1. Plaz freeën.