Nizza gewënnt ausserdeem géint Toulouse. Real Madrid léisst Cadiz keng Chance.

Och e puer Lëtzebuerger Futtballer waren um Sonndeg am Asaz. Den Iwwerbléck fannt dir hei.

Bundesliga

FC Heidenheim - VFL Bochum 0:0

A kengem héichklassegem Match spille béid Ekippen 0:0. Et ass wuel hin an hier gaangen, grouss Chancen hunn d'Spectateuren awer net gesinn. Um Asaz huet et béiden Ekippen awer net gefeelt, d'Intensitéit war héich. Kuerz viru Schluss hätt de Kleindienst dunn den 1:0 fir Heidenheim um Fouss, säi Schoss sollt awer iwwert de Gol goen. Béid Formatioune stinn deemno weider am ënneschten Deel vun der Tabell.

TSH Hoffenheim - FSV Mainz 1:1
0:1 Richter (39'), 1:1 Skov (49')

Hoffenheim kann trotz enger bis ewell gudder Saison doheem weider net gewannen iwwerdeems Mainz och mam neien Trainer weider am Tabellekeller festhänkt. Dobäi war fir d'Ekipp vum Leandro Barreiro, deen 90 Minutten gespillt huet, méi dran. Virun allem an der zweeter Hallschent huet et op Mainzer Säit un der néideger Effizienz virum Gol gefeelt. Huet de Barkok an der 68. Minutt een Eelefmeter verschoss, ass de Richter direkt zwee mol (80', 86') un der Lat hänke bliwwen. Um Enn spille béid Ekippen deemno 1:1-Gläich.

Premier League

Tottenham Hotspur - Aston Villa 1:2
1:0 Lo Celso (22'), 1:1 Torres (45+7'), 1:2 Watkins (61')

Tottenham verléiert trotz Féierung mat 1:2 géint Aston Villa a steet an der Tabell elo 2 Punkten hannert Villa op der 5. Plaz. Virun allem an der 1. Hallschent hat Tottenham eng sëlleg Chancen, ass awer deels liichtsënneg mat de Golgeleeënheeten ëmgaangen. An esou war et de Pau dee per Kapp an der 7. Minutt vun der Nospillzäit nach virun der Paus den Ausgläich geschoss huet. Villa war och an der zweeter Hallschent net onbedéngt déi besser Ekipp, mee war virum Gol äiskal.

FC Everton - Manchester United 0:3
0:1 Garnacho (3'), 0:2 Rashford (56'), 0:3 Martial (75')

Manchester United huet e ganz gudden Dag gehat a gewënnt däitlech mat 3:0 géint Everton. Et huet keng 3 Minutte gedauert, do louchen d'Red Devils schonn a Féierung. An dat duerch en Dramgol. De Garnacho huet de Ball per Fallrückzieher aus ronn 14 Meter an de Filet geschoss. Everton hat an der Suite wuel e puer gutt Chancen, huet déi awer liichtfäerteg verginn. An esou konnt United an der zweeter Hallschent de Sak zoumaachen a ka sech iwwer wichteg 3 Punkte freeën.

Serie A

AS Roma - Udinese Calcio 3:1
1:0 Mancini (20'), 1:1 Thauvin (57'), 2:1 Dybala (81'), 3:1 El Shaarawy (90')

Ligue 1

OGC Nizza - FC Toulouse 1:0
1:0 Moffi (54')

Nizza huet géint Toulouse mat 1:0 gewonnen a bleift domat um Leader PSG drun. Béid Ekippen trennen an der Tabell 1 Punkt, Nizza steet no 13 Spilldeeg bei 29.

FC Lorient - FC Metz 2:3
0:1 Sabaly (1'), 1:1 Faivre (7'), 2:1 Kroupi (22'), 2:2 Traore (64'), 2:3 Jallow (82')

E montere Match hunn d'Spectateuren zu Lorient gesinn. Direkt an der 1. Minutt huet Metz mam Sabaly den 1:0 konnte markéieren. Allerdéngs sollt d'Lokalekipp de Match nach an der 1. Hallschent zu hire Gonschten dréinen. Traore a Jallow konnten hirersäits an deenen zweete 45 Minutten de Match du fir Metz entscheeden. Deemno e ganz wichtegen Dräier fir den FC Metz, déi elo op der 9. Plaz an der Tabell stinn.

Stade Rennes - Stade Reims 3:1
1:0 Gouiri (4'), 1:1 Diakite (45+2'), 2:1 Bourigeaud (46'), 3:1 Theate

La Liga

Real Sociedad - FC Sevilla 2:1
1:0 Dmitrovic (3'), 2:0 Sadiq (22'), 2:1 En Nesyri (60')

FC Cadiz - Real Madrid 0:3
0:1 Rodrygo (14'), 0:2 Rodrygo (64'), 0:3 Bellingham (74')