An der Véierelsfinall vum Challenger Tournoi zu Bratislava an der Slowakei huet de Chris Rodesch géint den Eliot Spizzirri gewonnen.

De Lëtzebuerger huet an dräi Sätz mat 7:6, 6:7 a 6:4 géint den US-Amerikaner gewonnen, deen als Nummer 100 op der Welt 89 Plaze besser klasséiert ass wéi de Chris Rodesch.

An der Halleffinall spillt de Chris Rodesch géint den Titouan Droguet (WR 165) aus Frankräich.