Wéi et vum koreanesche Futtballverband KFA heescht, wäert de Klinsmann nächst Woch mat senger Aarbecht ufänken. Säi Vertrag soll bis no der Weltmeeschterschaft 2026 an den USA, Kanada a Mexiko lafen.
Et ass dem Klinsmann seng 5. Statioun als Trainer. Hie war vun 2004 bis 2006 däitschen Nationaltrainer a vun 2011 bis 2016 Nationaltrainer vun den USA. Am Veräinsfuttball hat hie wärend der Saison 2008/2009 wärend 10 Méint den FC Bayern München trainéiert a vum November 2019 un, souz hie wärend nëmmen 3 Méint bei Hertha BSC Berlin op der Bänk.
