E Freideg an der Mëttesstonn war d’Auslousung vun de Véierelsfinallen an der Futtball Champions League zu Nyon. Do kënnt et zum Remake vun der Finall vum leschte Joer tëscht dem Titelverdeedeger FC Bayern München an dem franséische Champion Paris-Saint-Germain. Da gëtt et awer och nach d’Finall vun 2018 tëscht Real Madrid an dem FC Liverpool.
Manchester City - Borussia Dortmund
FC Porto - Chelsea FC
FC Bayern München - Paris-Saint-Germain
Real Madrid - FC Liverpool
Bayern/Paräis - Manchester City/Dortmund
Real/Liverpool - Porto/Chelsea
Heemrecht an der Finall hätt de Gewënner vun der éischter Halleffinall, als Bayern, PSG, Man City oder Dortmund.
D’Allersmatcher fir d’Véierelsfinalle si fir de 6. a 7. Abrëll geplangt, d’Retourmatcher fir déi Woch dono. De 27. a 28. Abrëll respektiv den 4. a 5. Mee ginn d’Halleffinalle gespillt. D’Finall vun der Champions League ass den 29. Mee am Atatürk Olympic Stadium zu Istanbul.
