1970, viru bal genee 50 Joer hat sech d’Band Queen forméiert.

An deem Kader weise mir Iech de Film FREDDIE , plus de Making-of aus dem Joer 2016, realiséiert vum Andy Bausch mam Nilton Martins an der Roll vum Freddie Mercury .

25 Joer nom Doud vum Freddie Mercury (24.11.1991), hat en Team vu Leit aus der Lëtzebuerger Filmindustrie de Projet vun engem Kuerzfilm iwwert de charismatesche Sänger vu Queen an d’Liewe geruff. Un der Spëtzt vum Projet stoung den Nilton Martins, deen och d’Roll vum Freddie Mercury sollt am Film iwwerhuelen. Fir den Acteur gouf de Projet zu enger perséinlecher Erausfuerderung, net eleng wéinst der kierperlecher a mentaler Preparatioun, déi néideg war, fir de Freddie Mercury sou gutt et geet ze verkierperen. An engem Making-of schwätzt ënnert anerem den Acteur iwwert deen Challenge an déi technesch a musikalesch Aspekter vum Film.

D’Thema vum Film dréint ëm dem Freddie Mercury seng Ängscht an d’Krankheet, un där hien um Enn gestuerwen ass. Am Film gëtt de Freddie vun engem Geescht, sengem Alter-Ego, an der Garderob besicht an dee bei him seng déifsten Ängscht ausléist.

Detailer zum Film

Titel: FREDDIE

Joer: 2016

Dréibuch: Cédric Kieffer an Andy Bausch

Regie: Andy Bausch

Productioun: Nilton Martins, Frameart Media, Rattlesnakes Pictures

Acteur: Nilton Martins

De Making-of vum Kuerzfilm

Making of: FREDDIE
2016 huet den Nilton Martins den ambitiéise Projet vun engem Kuerzfilm iwwert de Freddie Mercury, zesumme mat Experten aus der Filmbranche.