D’Eva Marija war leschte Weekend op déi grouss ESC-Pre-Party “Eurovision in Concert” an der AFAS Arena zu Amsterdam invitéiert, wou et hiert Lidd “Mother Nature ” virun iwwer 4.000 Spectateuren gesongen huet.
Nom leschten Optrëtt zu Oslo Enn Mäerz war et schonn déi zweet Pre-Party am Virfeld vum Eurovision Song Contest. Dës Serie u Concerten a Presse-Meetingen gëtt all Joer organiséiert, fir d’Kënschtler an hir Lidder ze promoten an de Fans d’Méiglechkeet ze ginn, hir Liblingssänger live ze erliewen.
