No 2019 ass de Kach Roberto Fani aus dem Réiser Restaurant fir déi zweete Kéier zum Kach vum Joer vum Gastronomie-Guide Gault&Millau nominéiert ginn.

De Restaurant vum Roberto Fani kritt am Guide eng Nott vu 17 op 20.

De gastronomesche Guide huet e Méindeg déi talentéiertste Käch vu Lëtzebuerg geéiert. De Gault&Millau ass dee meescht verkaafte gastronomesche Guide an de BeNeLux-Länner an dovunner gëtt et och eng Versioun, déi sech reng mam Grand-Duché beschäftegt.

Um Méinden den Owend war dunn de grousse Gala-Dinner, wou den neie Chef de l'année och direkt fir d'Invitéeë gekacht huet. Mir ware live op der Plaz an hu mam Roberto Fani iwwert säi Präis geschwat. A mir hunn zwou ukrainesch Patissiere kennegeléiert, déi elo no kuerzer Zäit, wou si zu Lëtzebuerg am Restaurant Ryodo agestallt sinn, scho mat engem Gault&Millau ausgezeechent goufen.

LINK: Weider Detailer bei eise Kolleege vun RTL 5minuttes

Hei fannt dir d'Gewënner am kuerze Video-Portrait.

1. Kach vum Joer: Roberto Fani, "Ristorante Fani"

2. Jonke Kach vum Joer: Valérian Prade, "Eden Rose"

3. Restaurant mat lokaler Kichen: "De Pefferkär"

4. Patissière vum Joer: Iryna Kulakova & Kateryna Podliesna, "Ryôdô"

5. Sommelier vum Joer: Thierry Corona, "Les Roses, Casino 2000"

6. Pop of the Year: "Kay, Casino Luxembourg"

7. Bar vum Joer: "Go Ten"

8. Decouverte vum Joer:  "L'Annexe, Giuseppe Molinaro"

9. Hôtesse vum Joer: "Éric Parachini, Ma Langue Sourit"

10. Mediterrane Restaurant vum Joer: "Divino at Vinissimo, Alessandro Vannelli"