Designtechnesch huet Seat nach ëmmer eng glécklech Hand

Kompakte Beau

Dat beweist déi nei Leon a Leon Sportstourer, déi fir de leschte Festival nach net prett war. Am Verglach mam Virgänger huet déi nei Generatioun eng weesentlech Evolutioun erlieft. Anengems ass de kompakte Spuenier elo voll connectéiert a fir nei Technologie gerëscht. Ennert dem Capot stécht dann am Leon PHEV deen éischten Hybrid, an dësem Fall en Duo aus E-Motor, gespeist vun enger 13 kWh-Batterie an dem bekannte 1400er TSI. Zesumme leeschte si 204 PS, reng elektresch solle maximal 60 km méiglech sinn.

Opgefrëscht

De Kompakt-SUV Ateca gouf dann nach emol aktualiséiert. No 4 Joer kritt de Bestseller eng liicht renovéiert Optik a Retusche bannenan. Virun allem den Infotainment gouf iwwerschafft.

Nei Motorisatiounen

Seat Tarraco FR heescht déi nei sportlech Versioun vum grousse SUV. Entweder als Diesel mat 150/200 PS oder Bensinner mat 150/190 PS. Op der anerer Säit soll den Tarraco FR PHEV Sprit spueren an iwwer 50 km elektresch fuere kënnen. Anengems ass hien mat 245 PS awer dee stäerksten a senger Gamm.