D’Modelloffensiv vun MG geet virun a konzentréiert sech och op aner Kategorien.

Kombi-Revival
De klassesche Kombi huet et schwéier, dem SUV-Trend Paroli ze bidden – mam MG5 kënnt awer elo nees ee kompakte Modell mat grousser Mall, allerdéngs vollelektresch an domat deen eenzegen a senger Kategorie.

Komplett nei
Den MG4 markéiert de Start an enger neier Kategorie. De kompakten Elektroauto baut op der neier MSP-Plattform op a gëtt iwwert déi hënnescht Rieder ugedriwwen. Nieft dem frëschen Design sollen awer virun allem eng Autonomie vu maximal 450 km a kuerz Luedzäiten den MG4 interessant maachen.

Net nëmmen Elektro
Wärend sech MG d’Elektromobilitéit op de Fändel schreift, gëtt, fir de Präis méi interessant ze maachen, den SUV ZS awer och mat Verbrenner lancéiert. Zwee Bensinner mat manueller oder automatescher Boîte sinn deemno ze kréien.