Bei Ferrari ass e bësse Gedold ubruecht, d’Nouvellë vum leschte Joer sinn elo mol am Showroom ze gesinn.

Designstéck topless

E Modell, deen als Coupé schonn eng Schéinheet war, als Cabrio genee esou gutt ze treffen, dat ass eng Erausfuerderung. Beim Roma Spider schéngt Ferrari dat Konschtstéck gelong ze sinn. Den 2+ Spider gräift op ee klassesche Stoffdaach zeréck, deen an nëmmen 13,5 Sekonnen a bei Vitesse bis zu 60 km/Stonn opgeet.

Topmodell

Definitiv an der Kategorie Supercar beweege mer eis mam SF90 Stradale an SF90 Spider. De Mëttelmotor-2-Sëtzer feiert net nëmmen den 90. Gebuertsdag vun der Mark aus Maranello, en zitt och all Regëster wann et em Fuerleeschtunge geet. Net manner wéi 1000 PS leescht de V8 mat Elektro-Hëllef, domat sinn 100 km/Stonn an nëmmen 2,5 Sekonnen erreecht.