Fiat mécht dann elo och seng éischt Schrëtt an der Elektromobilitéit.
500er-Première
Et gouf mat engem wäisse Blat ugefaangen, wuel wëssend dat déi nei Generatioun 100% elektresch géing fueren. De 500e huet dann, nieft méi Plaz bannen an neier Technik, eng elektresch Autonomie vun 320 km mat op de Wee kritt. Revolutioun ënnert dem Blech, den Design ass – Fans kënnen opootmen – awer ganz no um Virgänger bliwwen. Deem seng Motorepalett gouf iwwregens ëm een Mildhybrid erweidert.
Frësche Wand
De Kompaktmodell Tipo gouf dann zollitt iwwerschafft; wéi ëmmer optesch mat ënnert anerem engem neie Fiat-Logo wéi och technesch. Ganz nei sinn d’Versiounen Tipo City Sport an Tipo Cross. Deen ee mat sportlechen Attributer, deen anere mat 4 cm méi Buedemfräiheet an dem typeschen Offroad-Look. En aneren Evergreen, de Panda krut dann och ee Facelift. Nieft de Retusche vir an hanne krut dee klenge Fiat och een Mildhybrid-Undriff spendéiert. Dëse stécht och an der Versioun Panda Sport mat 70 PS.
