Den Highlight 2021 ass sécherlech den neie Mustang Mach-E.

Tesla-Juegd

Ford huet sech eppes getraut; deen éischte (wa mer vum Focus Electric ofgesinn) vollelektresche Ford heescht Mustang Mach-E. Déi eng schuddert et, déi aner freeën sech iwwert déi vill Stilelementer vum sportleche Coupé. Ausserdeem brauch e sech a punkto Leeschtung net ze verstoppen; mat bis zu 487 PS an enger maximaler elektrescher Autonomie vu 610 km réckt Ford dem Maartféierer Tesla op de Pelz.

D’Kralle gewetzt

Dat huet deen zweete Festival-Highlight Puma ST gemaach. De kompakte Crossover kroopt sech den 3-Zylinder-Turbo aus dem Fiesta a kënnt op 200 PS. Passend dozou gouf vill Gehierschmalz an e sportlecht Fuerverhalen investéiert. E bësse méi spéit am Joer kënnt nach een Topmodell mam legendären Numm Mustang Mach 1. Dat stäerkste Päerd am Stall léisst seng 460 PS op eng manuell 6-Gang Boîte vun Tremec lass, anengems goufe Suspensioun an Aerodynamik op Héchstleeschtung ausgeluecht.