Ee vun de wichtegste Modeller aus der Gamm gouf ersat.

Nach just Hybrid
D’Turbomotoren vum Virgänger sinn alleguer passé, am komplett neie Civic e:HEV kënnt fir de Moment nach just een 2-Liter mat Elektrohëllef an den Asaz, niddreg Emissiounen a wéineg Duuscht sinn natierlech de But. E klenge Broch gouf et och beim Design; dee gouf bannen a baussen e Krack méi sober a gefälleg.

Iwwerraschung exklusiv fir de Festival
Fans, déi schonn eng Tréin am A haten, dierfe sech awer op de Festival freeën: do gëtt nämlech deen neie Civic Type R ausgestallt. An dee gräift nees op de bewäerte VTEC Turbo zeréck, deen op 329 PS zouleet. Technik an Design sinn natierlech erëm typesch R, wann och e bësse méi brav. De Präis huet allerdéngs och eng gehéierlech Schëpp zougeluecht.