Ganz nei Modeller ginn et bei Jaguar keng, dofir gouf quasi déi komplett Gamm iwwerschafft

Neie Look an nei Technik

Beim BMW 3er-Konkurrent XE wéi beim grousse Brudder XF gouf d’Optik liicht retuschéiert, d’Connectivity verbessert an een neie Mildhybrid-Diesel an de Programm geholl. De kompakten SUV E-Pace krut och ee frësche Look, ënnert dem Capot kënnt nieft anere Motoren een Hybrid mat 55 km elektrescher Autonomie an den Asaz. Beim gréisseren F-Pace gouf nieft dem Extérieur virun allem de Banneraum nei gemaach, ausserdeem feieren ee Plugin- an ee Mildhybrid Première. D’Topversioun F-Pace SVR krut bei dëser Geleeënheet mat 550 PS méi Leeschtung verpasst. Last but not least goufe beim E-Jaguar I-Pace den Infotainment an d’Connectivity moderniséiert. E kann och elo méi séier lueden; mat 11 kW kënne pro Stonn 53 km Autonomie opgestockt ginn. D’E-Mobilitéit soll mat der limitéierter Editioun I-Pace EV320 dann nach emol méi attraktiv gemaach ginn.