D'lescht Joer war den neie GT nach net ze gesinn, fir de Festival 2024 ass hien awer de Star. A kritt vläicht och nach Gesellschaft.

Prett fir d’Zukunft

75 Joer nom Lancement vum A6 1500 GT, dem éischte Maserati fir d’Strooss, gëtt et mam neiste GT eng kleng Revolutioun. Nieft dem V6 Motor aus dem MC20 kënnt dee rassege Coupé och an der Versioun Folgore (italieenesch fir Blëtz), nämlech vollelektresch. Maximal 829 PS aus 3 Elektromotore sinn deemno eng Uso a gutt fir e Sprint op 100 an 2,7 Sekonnen. Manner Revolutioun awer beim Design, dee bleift dem Stil vum Virgänger trei.

Wann alles gutt geet, da steet nieft dem GT nach een zweeten E-Maserati, nämlech den Alfa-Tonale-Zwilling Grecale Folgore. Wéi et sech fir ee Maserati gehéiert, gäizt den Elektro-SUV net mat Leeschtung: 410 kW an 820 Nm brénge sportlech Fuerleeschtungen, d’Luede soll mat enger 400V-Architektur awer och séier goen.