Vum 3. Juni bis 12. Juli gëtt op der Areler A6 an Tréierer A1 d'Vitess op 90 km/h wärend de Spëtzenzäite moies limitéiert, dëst vun der belscher Grenz un.

RTL-Reporter hunn e Méindeg de Moien d’Autobunn getest. Den Trafic war relativ fléissend, mä ob dat op d’Vitess-Reguléierung zeréckzeféieren ass, ass schwéier ze soen.

RTL Test d'Vitesslimitatioun op A1 an A6
An enger Testphas dierf moies tëscht 6.15 an 9.15 Auer op der A6 an Deeler vun der A1 just nach mat 90 gefuer ginn.

Éischtens war zäitweis e Camion en Pann an eng Spur direkt no der Grenz zou. Doduercher gouf et bësse Stau, ma eemol laanscht d’Pann, war de Verkéier katalyséiert a bis Stroossen fléissend. Zweetens ass net gewosst, ob den éischten Dag no enger Vakanz esou vill Gefierer ënnerwee ware wéi gewinnt. Drëttens war op ville Segmenter souvill Trafic, datt et souwisou onméiglech gewiescht wier méi séier ze fuere wéi 90.

Fir de Rescht konnt RTL bei enger Rei Chauffere feststellen, dass si sech net un d’Limitatioun gehalen hunn. D’Police huet zwar Präsenz gewisen mä just minimal. Radarkontrolle gouf et keng.

Vitesslimitatioun vun e Méindeg un

Vun e Méindeg un gëllt eng nei Vitesslimitatioun op der A6 an op der A1 vun der Belsch eraus a Richtung Tréier. Zu Spëtzenzäite gëtt d'Vitesse op 90 km/h limitéiert. Dat ganzt ass en Test a leeft bis Freides den 12 Juli.

Bei der Ponts & Chaussées sicht een eng oder méi Solutiounen, fir den Trafic op den Autobunnen zu Lëtzebuerg besser ze reguléieren. Ee Prinzip, deen elo getest gëtt an am Ausland ganz beléift ass, ass deen, d'Vitessen op den Autobunnen zu den Haaptberuffszäiten ze limitéieren.

Ugefaange gëtt an enger éischter Phase mat der Areler A6 an der Tréier A1. Op enger Stréck vun 28km, geet d'Vitesse erof op 90 km/h. Dat tëscht 6.15 an 9.15 Auer Moies.

Déi erlaabte Vitesse gëtt ëmmer uewen op den elektronesche Panneauen annoncéiert. Dës Limitatioune gëllen net um Weekend, an der Schoulvakanz, an op Feierdeeg.

Dem Paul Mangen no, Direkter-adjoint bei der Ponts & Chaussées, well een d'Friktioun aus den Autobunns-op an Ausfaarten huelen: „85-90 ass och déi Geschwindegkeet déi déi héchst Capacitéit op der Autobunn erlaabt. Et ass mat där Vitesse wou mer probéieren eng Homogenitéit an den Trafic dran ze kréien. An dat mer déi Punkte wou d'Léit drop fueren oder erof fueren, net méi als Stéierungen an den Trafic kréien.“

D'Echangeure sollen esou entlaascht ginn. Et wier natierlech kloer datt plazeweis den Trafic dee mat 20 oder 30 km/h viru kennt, net bemol mat 90 iwwert d'Autobunn fiert.

Op anere Platzen, ewéi der Montée vu Stroossen, wäerte mer mierken datt mat bësse Chance de Réckstau ofhëlt deen dacks duerch déi Autoen entstinn déi vun 130 oder 110 ofbremse vir déi aner eran ze loossen. Wann een hei mat 90 era kennt, gëtt den Trafic méi homogene.“

Ma am Fall vun engem Succès op der A6 an der A1, ass dës Mesure awer net onbedéngt iwwerall ubruecht.

Et hänkt jo och bësse vun der Autobunn of. Op enger A3 wou den Trafic nach méi lues geet ewéi op enger A6, muss een sech froen op dat wierklech Sënn mëscht. Ech mengen et ginn och nach aner Saachen déi vun eisem Minister virgestallt gi sinn, ewéi de Covoiturage op der Pannespur.“

An dës Mesurë kéinten an Zukunft och kombinéiert ginn. Ma et misst Sënn maachen.

Situatioun um Méindeg de Moien, 6.15 Auer op der Grenz zu Sterpenich / © Domingos Oliveira / RTL

Schreiwes vum Gouvernement

Mise en place de la phase-test «régulation de vitesse» sur l'A6 et l'A1 pendant les heures de pointe matinales à partir de la frontière belge jusqu'au Kirchberg (03.06-12.07.2019)

Communiqué par: Administration des ponts et chaussées

Afin d'optimiser le flux du trafic sur les tronçons critiques du réseau autoroutier pendant les heures de pointe du matin, la vitesse maximale autorisée sur les autoroutes A6 et A1 est limitée à 90 km/h à partir de la frontière belgo-luxembourgeoise (Sterpenich) jusqu'à l'échangeur Kirchberg, ceci à partir du lundi 3 juin 2019.

Le scénario de régulation de vitesse est déclenché du lundi au vendredi vers 6 h 15 jusqu'à 9 h 15, en dehors des vacances scolaires et jours fériés et à l'exception des tronçons qui, le cas échéant, sont concernés par des incidents ou accidents et nécessitent des mesures de gestion de trafic supplémentaires. La phase-test durera jusqu'au vendredi 12 juillet 2019.

La limitation de vitesse matinale, qui sera appliquée sur une distance totale de 28 kilomètres, est signalée par les panneaux dynamiques du CITA.

Ces mesures de régulation de vitesse sont surveillées par les forces de l'ordre.

VIDEO: A6 an A1: Vitess op 90 limitéiert vum 3. Juni bis de 12. Jul
Vum 3. Juni bis 12. Juli gëtt op der Areler A6 an Tréierer A1 d'Vitess op 90 km/h wärend de Spëtzenzäite moies limitéiert, dëst vun der belscher Grenz un.