Vum 4. August un ass d’Entrée Richtung Rue Notre Dame offiziell zou a gëtt duerch d'Rue Chimay ersat.

AUDIO: Vel'OH a Chantieren am City Breakfast / Tim Morizet

Bis ewell gouf fläisseg an der Rue Chimay an der Uewerstad, virum Hotel Cravat geschafft. Dës gëtt méi breet gemaach. Den Ament ass et eng Strooss, wou d'Autoen aus der Ënneschtgaass erauskommen. Ma dat soll sech vum 4. August un änneren. Da fiert ee mam Auto hei eran. Bis ewell konnt een dëst iwwert d'Verlängerung vun der Philippesstrooss maachen, do sollen d'Autoen elo awer erauskommen.

De gréisste Problem ass de ganz ville Verkéier an de Réckstau gëtt eis ze laang, wann ee vum Boulevard Royal an de Boulevard Roosevelt erafiert an duerno direkt no lénks an d'Ënneschtgaass erabéit. Dofir hu mir elo déi Reamenagementer gemaach beim Hotel Cravat, also eng Kräizung méi wäit, wann ee vum Boulevard Royale kuckt an do kommen elo 2 Bunnen hinner.“

Dat heescht och, datt de Sens Unique an der Ënneschtgaass ëmgedréint gëtt. Grond fir dës Ännerung ass wéi gesot den Tramschantier. Esou wëll een awer och de ville Verkéier an deem Eck entlaaschten, mengt de Stater Schäffe, Patrick Goldschmidt.

AUDIO: De Patrick Goldschmidt

Domat bléift d'Entrée vun der Ënneschtgaass um Boulevard Royal fir de Verkéier zou. Dëse Changement wier och permanent, huet et e Mëttwoch de Moien am Gemengenhaus geheescht, e soll also och nom Tramschantier weider bestoe bleiwen. Fir de Vëlosfuerer soll sech net ze vill änneren, dësen dierf weider iwwert d'Rue Philippe an d'Ënneschtgaass erafueren. Dat huet de Stater Schäfferot nach bekannt ginn.

Weider sollen och d'Parkplaze laanscht d'Strooss an der Ënneschtgaass verschwannen. Dës Plaze solle fir Livraisoune reservéiert ginn.

Vel'OHen ëmmer méi beléift

D'Abonnementer fir de Vel'OH Service gi fort ewéi waarm Bréidercher. Doriwwer huet een sech och am Gemengenhaus iwwerrascht gewisen. Virum ubidde vun elektresche Vëloen, hat een eng knapp 8.000 Laangzäit-Abonnenten. Mam neie Service sinn dës Zuelen iwwert déi lescht 7 Méint awer drastesch op 13.700 Umeldunge geklommen. Also bal 6.000 nei Abonnementer.

De Vel'OH wier och bei den Touriste ganz beléift, huet et um City Breakfast geheescht. Iwwer 700 Kuerzäit-Kontrakter wieren an den leschte Méint ofgeschloss ginn.

Ma mam grousse Succès vun de Vëloen, wier awer och de Vandalismus weider eropgaangen, erkläert de Stater Schäffe, Patrick Goldschmidt.

Iwwer 200 Vëloe sinn scho futti gemaach ginn. An déi ginn och Deels an der Natur erëmfonnt. Dat ass elo net der Gemeng Lëtzebuerg hir Schold an och net hir Responsabilitéit, mir hunn jo do en Prestataire de Service. Ma dee war och selwer iwwerrascht. Deen huet awer och selwer technesch Problemer mat der Kommunikatioun tëscht den Bornen an den Haaptstatiounen.“

Sou hätt een et och net ëmmer einfach, fir d'Vëloen erëmzefannen.

De Communiqué

Stations vel’OH! (au 7.7.2019) :

•             788 vélos à assistance électrique en service

•             1.717 bornettes en service

•             88 stations en service

Statistiques concernant les nouveaux abonnés au système de location vel’OH! :

•             Locations (longue et courte durée) : depuis l’inauguration du nouveau système de vélos à assistance électrique le 30.11.2018, 303.027 locations ont été enregistrées au 7.7.2019 contre 92.783 sur la même période de l’an dernier (croissance de 69,38%).

Total des locations (longue et courte durée) : 2.139.255 locations (mars 2008 – juillet 2019)

•             Abonnements longue durée :

o             Au 29.11.2018 (avant la mise en service des vélos à assistance électrique) : 7.966 abonnements valides

o             Au 7.7.2019 : 13.788 abonnements valides, soit un plus de 5.822 abonnements