No Kriticke vu Restaurateuren an dem Geschäftsverband un der neier Vëlospist zu Esch, huet d'Gemeng reagéiert.

Per Schreiwes goufen en Donneschdeg punktuell Adaptatioune bei der Accessibilitéit fir an den Zentrum an der Mobilitéitspolitik an der Minettmetropol matgedeelt.

Schreiwes vun der Escher Gemeng

Ënner anerem sinn zwou Stonne gratis Parking an zwee Parkhaiser (Hôtel de Ville a Brill) fir d'Cliente vu verschiddene Geschäfter a Restaurante vum 21. Juli u virgesinn. Da gëtt eng Testphas lancéiert, déi vum Hierscht un definitiv operationell soll sinn. Donieft gëtt d'Vëlospist an der Kanalstrooss adaptéiert, fir datt d'Camionnettë méi einfach derduerch kommen an et gëtt eng nei Livraisounszon an där Strooss agezeechent, eng Livraisounsplaz kënnt och nees zeréck. Leit, déi séier eppes akafe wëllen, kréien dann d'Méiglechkeet 30, an net wéi bis elo 20 Minutten, gratis ze parken.