D'EU-Kommissioun huet decidéiert, d'TVA-Entlaaschtung beim Import vu Wueren am Wäert vu bis zu 22 Euro ofzeschafen. Dobäi kommen nach aner Fraisen.

Dovu betraff si wéi gesot Wueren, déi ausserhalb vun der EU kaf ginn. Bis elo ware Wueren an engem Wäert ënner 22 Euro vun der TVA befreit, wa se an d'EU importéiert goufen. Vum 1. Juli 2021 u gëllt dat awer net méi.

Wat ännert sech genee?

Als Beispill: Wann een eppes fir 2 Euro aus engem Net EU-Land keeft, z.B. a China oder aus den USA, da kommen nach emol 17% fir d'TVA dobäi, plus d'Beaarbechtungsfraisen. Bei der Post z.B. waren dat virdrun ëmmer 15 Euro, déi fir den Dedouanement dobäi kommen, bei engem Pak deen iwwer 22 Euro u Wäert hat. Deen Tarif gouf awer fir déi nei Reglementatioun mat de Päck ënner 22€ no ënnen ugepasst. Et sinn also elo 2 € + 17% TVA + 5 € Beaarbechtskäschen.

D'Post huet eis matgedeelt, dass och bei hinnen also alleguerten d'Wueren, déi ausserhalb der EU bestallt goufen, beim Zoll passéiere mussen an eng Tax bezuelt muss ginn. D'TVA an d'Fraise kënne bei der Post via Digicash bezuelt ginn, oder sur Place wann de Pak iwwerreecht gëtt. Bei Päck bei deenen d'Valeur ënner 22€ läit, muss een elo 5€ Fraise bezuelen. Bei Päck iwwer 22€ bleift et bei 15€ Fraisen. Dës Fraise beinhalten den Handling vum Pack, d'Deklaratioun selwer an d'Frais de Stockage. Hei dat offiziellt Schreiwes vun der Post. Déi komplett aktualiséiert Broschür vun der Post gëtt et hei!

Bei aneren Transporteure wéi TNT, FedEx, UPS oder DHL hate mer och nogefrot. Kee vun den Transporteure konnt oder wollt eng Ausso maachen zu de Fraisen, déi fir den Dedouanement wäerten ufale bei deene klenge Päck.

Erklärunge vun der Post

TVA-Erhéijung bei Päck, Reaktioun Post / Diana Hoffmann

Explikatioune wéi de System bis elo funktionéiert huet vun der Directrice vu Post Courrier, dem Hjoerdis Stahl:

Wann Dir eppes bestellt aus China oder den USA, egal wou, an d’Valeure déclarée vun deem Versender op dem Pak 5 Euro war, dann ass dat do ouni Problem, ouni TVA ouni Deklaratioun ouni Zoll duerch de System gelaf, et ass geliwwert ginn, an da war et fäerdeg.”

Ma vum 1. Juli u steet fir den zoustännege Service vun der Post méi Aarbecht un, a fir de Client méi Käschten. E Beispill

Fir deen neie Regime, en Pak vun 20 Euro, kënnt hei zu Lëtzebuerg un. Da gëtt déi TVA vu 17 Prozent applizéiert, heescht, de Client muss bei der Arrivée hei zu Lëtzebuerg 3,40 Euro Ëmsazsteier bezuelen. An e muss der Post eng Gebür vu 5 Euro bezuelen, dofir, dass mir déi Declaration Douanier maache fir hien.

Fir Päck iwwer 22 Euro bleift et bei der Post wéi elo och schonns bei enger Bearbeschtungsgebühr vu 15 Euro. De Client bezilt déi zousätzlech Fraisen dann, wann hien de Pak geliwwert kritt, oder ofhuele geet.

De bürokratesche Méiopwand fir d'Post kéint sech awer no enger Zäit erëm leen, hofft d'Hjoerdis Stahl.

Eng Alternativ dozou: Déi E-Commerce Händler, egal wou se sinn, weltwäit, sinn opgefuerdert ginn, sech eng sougenannten IOSS-Nummer ginn ze loossen. An déi Nummer gëtt den Europäesche Staaten déi Garantie, dass den Händler, an deem Moment, wou deen eppes verkeeft, déi Sue vum Client och kasséiert.

Dëst géing och dem Client eng méi grouss Sécherheet ginn iwwer Fraisen, déi bei enger Bestellung aus Drëttstaaten ufalen.

Parlamentaresch Fro

Wéinst den Ännerunge vum 1. Juli un huet dann och de Mars di Bartolomeo eng parlamentaresch Fro gestallt, fir gewuer ze ginn, wéi dat an Zukunft wäert um Terrain oflafen. De Finanzminister Pierre Gramegna äntwert, dass en neie Guichet unique an den Asaz kënnt, fir d'Deklaratioune fir Importer vu Wueren ënnert enger Valeur vun 150 Euro ze vereinfachen. Fir alles wat méi wéi 150 Euro Valeur huet, ännert näischt.

De Guichet unique beim Import gëtt vun der Administration des douanes et accises geréiert, zesumme mam Enregistrement. D'Kontroll vun den importéierte Wuere läit ënnert der Responsabilitéit vun der Douane.

De Pierre Gramegna verweist a senger Äntwert awer och nach emol drop, dass all Import vu Wueren aus Drëttstaaten bei der Douane muss deklaréiert ginn, an dass den Transporteur dofir Fraise verrechent, déi dann ënnert z.B. "frais de présentation en douane", "frais douane", "frais de dédouanement", "frais d'agence en douane" oder "autres frais" wäerten opgelëscht ginn an der Ofrechnung. Den Transporteuren ass fräigestallt, wéi vill si fir déi Prestatioun froen. Déi Fraisen déi do ufalen, ginn iwwerdeem net un d'Douane weidergeleet.

Verkeefer ausserhalb vun der EU ginn iwwerdeem encouragéiert, sech beim IOSS-System ze registréieren, wouduerch de Präis fir de Keefer komplett transparent soll sinn, mat TVA plus Import- an Douaneskäschten. Méi Erklärungen an Detailer heizou fënnt een am Schreiwes vum Centre Européen des Consommateurs Luxembourg.

Pressecommuniqué vun der Administration des douanes et accises

E-COMMERCE: NOUVELLES RÈGLES TVA APPLICABLES À PARTIR DU 1ER JUILLET 2021 25/06/2021

Conformément à la Directive (UE) 2017/2455 du Conseil, l’exonération de la taxe sur la valeur ajoutée (TVA) pour l’importation de biens dont la valeur globale n’excède pas 22 euros est supprimée à partir du 1er juillet 2021.

Il s’ensuit que tous les achats en ligne en provenance d’un pays tiers sont soumis à une déclaration en douane ainsi qu’au paiement des droits et taxes. Il s’agit notamment des droits de douane, de la TVA, des accises et autres taxes.

Au dédouanement, le transporteur, l’opérateur postal ou l’opérateur express requiert le plus souvent des frais connexes tels que des frais de présentation ou frais d’accomplissement de formalités douanières. Il facture et perçoit ces frais pour son compte aux fins de l’établissement de la déclaration en douane.

A noter que seule la perception des droits de douane, de la TVA et des autres taxes, telles que les accises, incombe à l’Administration des douanes et accises.

Pour plus de renseignements, vous pouvez consulter la page "Colis / envois - Toutes les informations" de la rubrique "Pour en savoir plus" ci-dessous.