Facebook-Bäiträg, déi um afrikanesche Kontinent dausendfach gedeelt goufen, behaapten, engem Fliger vun der Lufthansa, deen déi däitsch Fussballekipp op d'WM 2022 am Katar geflunn huet, wär wéinst sengem "schwule Logo" net erlaabt ginn, ze landen. Dës Behaaptung ass awer falsch. D'Spiller si fir e Frëndschaftsmatch mat dem sou genannte "Diversitéit"-Fliger an den Oman geflunn, éier si an en anere méi klenge Fliger geklomme sinn, fir an de Katar ze fléien.

Den 20. November 2022, den Dag, wéi d'Futtball-Weltmeeschterschaft 2022 am Katar ugefaangen huet - goufen an engem Bäitrag op Facebook zwee Biller gedeelt. Eent weist e Fliger vun der Lufthansa, deen angeeblech "schwul Biller" als Decor hat, an en anert weist e Fliger mat engem ondäitlechen Numm.

"Katar refuséiert Fligere mat däitsche Spiller landen ze loossen, well schwul Fotoen um Fliger sinn. Déi Däitsch hu mussen zeréckfléien an hire Fliger wiesselen. Ech mengen, dass afrikanesch Länner vill vu Katar léiere missten, wann et drëm geet, eis Kultur ze respektéieren", heescht et am Bäitrag vum 20. November 2022.

E gouf vun enger Facebook-Säit mam Numm "Inside Africa" mat méi wéi 300.000 Follower gedeelt. D'Administrateure vun der Säit sëtzen a Kenia, Südafrika an Ägypten, wéi et op der Transparenz-Säit vu Facebook heescht.

RTL

A screenshot of the false Facebook post, taken on November 24, 2022

Änlech Bäiträg goufen op Facebook-Konten an Nigeria a Sambia publizéiert - anscheinend als Ënnerstëtzung fir Katar fir de Fluchverbuet mat engem "schwule Logo".

"Katar ass den Houfert vun den Araber", heescht et an engem Bäitrag.

D'Behandlung vun der LGBTQ-Gemeinschaft stoung zënter dem Verginn vun der Weltmeeschterschaft 2022 u Katar duerch d'FIFA-Exekutiv am Fokus. Katar ass eng konservativ Natioun, déi Homosexualitéit a Sex baussent dem Bestietnis kriminaliséiert.

Dës Behaaptung gouf och an de franséischsproochege Länner an Afrika gedeelt (hei an hei).

D'"Fanhansa"-Lackéierung um däitsche Fliger weist eng Illustratioun vu Mënsche mat ënnerschiddlecher ethnescher Hierkonft, déi ënnert de Wierder "Diversitéit gewënnt" Schëller u Schëller stinn.

Der Lufthansa no ass d'Lackéierung e Symbol vun Inklusioun "onofhängeg vu Geschlecht, Alter, ethnescher Zougehéieregkeet, Relioun, Nationalitéit, Identitéit oder sexueller Orientéierung."

Allerdéngs krut den "Diversitéit"-Fliger, wéi e genannt gëtt, weder d'Arees refuséiert, nach goufen däitsch Spiller gezwongen, an en anere Fliger ëmzeklammen, fir an de Katar ze fléien.

Fluchroute

D'Ekipp huet Däitschland de 14. November 2022 u Bord vum "Diversitéit"-Airbus A330-343, Seriennummer D-AIKQ, verlooss an ass zu Maskat, der Haaptstad vum Oman, gelant, fir e Frëndschaftsmatch ze spillen, éier et weider a Richtung Katar goung.

De Martin Leutke, Spriecher vun der Lufthansa, huet e Video vum Start vum Fliger op Twitter gedeelt.

E Fotograf vu Getty Images huet virum Boarding eng Foto vun de Futtballspiller geschoss.

RTL

( Nina LAMPARSKI)

Den AFP-Faktencheck huet d'Fluchroute op FlightAware, enger Websäit, déi de weltwäite Fluchverkéier kartéiert, no verfollegt.

RTL

A screenshot of FlightAware showing the “diversity” plane’s route from Frankfurt to Muscat

De Fluchdaten no ass de Fliger de 14. November 2022 vu Frankfurt op Maskat geflunn, éier en den nächsten Dag weider op Dubai an duerno zeréck op Frankfurt geflunn ass.

RTL

A screenshot of FlightAware showing the “diversity” plane’s route from Muscat to Dubai

RTL

A screenshot of FlightAware showing the “diversity” plane’s route from Dubai to Frankfurt

D'Lufthansa huet der AFP den 21. November d'Fluchdate bestätegt an nach gesot, dass d'Ekipp mat engem klenge lokale Fliger ouni Schrëftzuch aus dem Oman an de Katar geflu wär.

Der Lufthansa no war d'Wiel vun engem méi klenge Fliger aus ekologesche Grënn gerechtfäerdegt, well et manner ëmweltbelaaschtend a grouss genuch war, fir d'Ekipp an d'Mataarbechter ze transportéieren.

Deeg virdrun, den 11. November 2022, hat och den Däitsche Futtball-Bond an enger Erklärung matgedeelt: "E Streckefluch mat der Lufthansa géif eidel Flich vun Däitschland op Maskat an zeréck op Doha bedeiten. Den DFB an d'Lufthansa hu sech gemeinsam am Virfeld fir dës Rees-Variant entscheet."

Wärend déi däitsch Spiller net mam "Diversitéit"-Fliger a Katar geflu sinn, ass de Fliger scho bei anere Geleeënheeten am muslimesche Land gelant.

Eng Sich op FlightRadar, enger anerer Websäit, déi de Fluchverkéier iwwerwaacht, huet erginn, dass de Fliger de 16., 18. an 19. November 2022 ouni Aschränkungen zu Doha gelant ass.

RTL

Screenshot from the FlightRadar24 website showing the “diversity” plane landing in Doha, taken on November 22, 2022

D'Lufthansa huet och bestätegt, dass am November 2022 Passagéier mam Spezialfliger vun der Entreprise a Katar geflu sinn.

Opreegung wéinst LGBTQ-Rechter


Katar gouf wéinst sengem Bilan a Saache Mënscherechter, d'Behandlung vun auslänneschen Aarbechter inclus, a senger Haltung zu Fraen- an LGBTQ-Rechter ënnert d'Lupp geholl.

E puer Deeg virum Turnéier huet de kataresche WM-Ambassadeur Khalid Salman an engem däitschen Tëleesinterview Homosexualitéit als "geeschtege Schued" an "Haram" - en arabesche Begrëff fir "verbueden" - bezeechent an domat Kritik an Europa ausgeléist.

Als Zeeche vun der Solidaritéit mat der LGBTQ-Communautéit hunn d'Kapitäne vun de féierenden europäesche Länner, dorënner England, Frankräich an Däitschland, erkläert, dass si wärend dem Turnéier en Aarmband a Reeboufaarwe mam Message "One Love" droe wäerten.

No de Warnunge vun der FIFA, dass si dofir bestrooft géifen, si si awer vun dëser Aktioun zeréckgetrueden.

De FIFA-Spriecher Bryan Swanson huet, als bekennende Schwulen, drop bestanen, dass jidderee bei dësem Event wëllkomm ass.

Dësen Artikel vun der AFP gouf vun RTL op Lëtzebuergesch iwwersat.