Déi 20 Joer al Studentin Jill Goeres krut an der Gemeng Bech mat 394 Stëmmen déi meeschte Kräizercher.

De Schäffen Norbert Classen kënnt mat 383 Stëmme knapps hannendrun. D'Nathalie Wohlfart kënnt mat 380 op déi drëtte Plaz.

Sollt d'Jill Goeres Buergermeeschtesch ginn, wier si déi nei jéngste Buergermeeschtesch zu Lëtzebuerg. Bis ewell ass dat nach d'Sophie Diderrich zu Noumer, dat 24 Joer al ass.