Zu Hesper sinn d'Personal-Decisiounen no de Gemengewalen gefall.

Deemno huet d'CSV hier absolut Majoritéit am neien Conseil mat 17 Memberen ofginn a geet eng Koalitioun mat der DP an, déi op 24 Prozent a véier Conseilleren komm war. D'CSV koum zu Hesper op 43 Prozent vun de Stëmmen an huet domat aacht Conseilleren.

Ouni Surprise bleift den Marc Lies Député-Maire. 1. Schäffen gëtt den DP-Conseiller an Deputéierten Claude Lamberty. Déi aner Schäffeposten sinn fir d'Diane Adehm (CSV) an de Guy Wester (CSV).

Domat gouf den Drëttgewielten op der CSV-Lëscht, de Georges Beck, iwwersprongen. Hien hat bis ewell e Schäffeposten, mee gëtt elo duerch de Guy Wester ersat.
Wéi et vun der Gemeng Hesper heescht, huet sech de Georges Beck no sechs Joer als zweete Schäffen dofir entschloss, de Schäffeposten un de méi jonken a ganz gutt gewielten Guy Wester ofzetrieden a sech weiderhin als Member vum Gemengerot anzebréngen.