Well et wuel ee Gëft-Uschlag war, gëllt fir de russesche Regimmkritiker eng speziell Protektioun.

D'Dokteren aus der Berliner Charité, dem Spidol an deem den Alexej Nawalny behandelt gëtt, confirméieren, dat wat seng Ekipp a seng Famill schonn d'lescht Woch soten! Si ginn dovunner aus, datt de Kremlkritker vergëft gouf. Zu där Conclusioun géif een no klineschen Analyse kommen.

Analyse weisen drop hin, datt den Nawalny vergëft ginn ass

Déi genee Substanz mat där den Alexej Nawalny vergëft gouf ass nach net bekannt, éischt Analysen deiten awer op d'mannst dorobber hin aus wéi enger Wierkstoff-Grupp se kënnt.

Den Nawalny kann dofir an Tëschenzäit och mat engem Géigemëttel behandelt ginn. Säin Zoustand, dat soen d'Dokteren, ass eescht, mä hien ass net a Liewensgefor.  Allerdéngs ass net kloer wat fir Suitten dat Gëft kann hunn. Virun allem am Beräich vum Nervesystem kéinte laangfristeg Sequellen net ausgeschloss ginn, esou d'Spriecherin vun der Charité.

De prominente russeschen Oppositiounspolitiker läit zënter en Donneschden am Koma. Sibiresch Dokteren hate gesot, si hätte kee Gëft am Kierper vum Nawalny fonnt. Si haten vun engem Stoffwiesselproblem geschwat.

De Kremlkritiker gëtt den Ament net just zu Berlin behandelt, mä och ganz streng bewaacht, well et vun Ufank un, e Verdacht op eng Vergëftung gouf.  D'Bundeskriminalamt huet déi Aufgab iwwerholl.   

Et ass net déi éischte Kéier, datt den Alexej Nawalny vergëft gëtt.  D'lescht Joer am Summer, zum Beispill, war hien och an d'Spidol ageliwwert ginn. D'Dokteren hunn eng akut allergesch Reaktioun diagnostizéiert an och deemools confirméiert, datt déi kéint duerch Gëft ausgeléist gi sinn.

Iwwerhaapt si Leit, déi dem Kreml kritesch géintiwwer stinn, nawell dacks mat Vergëftunge gehäit.

Ee Beispill ass den Alexander Litwinenko, e fréieren Offizéier aus dem russesche Geheimdéngscht. Hie war am November 2006 zu London an engem Restaurant mat Téi vergëft ginn. Bei him waren deemools Spueren vun der radioaktiver Substanz Polonium 210 nogewise ginn.

Dann déi russesch amerikanesch Reporterin Anna Politowskaja. Dräi Joer ier se 2007 bei sech Doheem erschoss gouf, war och si vergëft ginn, op engem Vol tëschent Moskau a Beslan.

Och de russesch britteschen Duebelagent Sergei Skripal a seng Duechter Julia waren am Mäerz 2018 vergëft ginn, mam Nervegëft Nowitschok.

Deklaratioun vum Jean Asslborn

Déclaration de Jean Asselborn concernant l’empoisonnement d’Alexeï Navalny (26.08.2020)

Communiqué par: ministère des Affaires étrangères et européennes

Les résultats préliminaires des tests publiés par l’hôpital de la Charité de Berlin indiquent que l’un des principaux acteurs de l’opposition politique en Russie, Alexeï Navalny, a été victime d’un empoisonnement.

Je me joins à mes collègues européens pour souhaiter un prompt et plein rétablissement à Monsieur Navalny et exprimer notre sympathie avec sa famille en ces heures difficiles. Il est impératif que les autorités russes lancent sans tarder une enquête indépendante et transparente qui permette d’identifier les responsables de cet acte criminel et de les traduire en justice.


Statement by Jean Asselborn regarding the poisoning of Alexei Navalny (26.08.2020)

Preliminary test results published by the Charité hospital in Berlin indicate that one of the main figures of the political opposition in Russia, Alexei Navalny was poisoned.

I join my EU colleagues in wishing Mr Navalny a prompt and full recovery and expressing our sympathy to his family at this difficult time. It is imperative that the Russian authorities initiate an independent and transparent investigation without delay, in order to identify those responsible for this criminal act and bring them to justice.