Ënner anerem wéinst Sprengstoff-Uschléi, Drogenhandel a weidere Strofdoten ass de presuméierte Kapp vun enger krimineller Band zu Köln ugeklot ginn.

De Parquet huet de presuméierte Bandechef an ee weidere Kompliz wéinst insgesamt 35 Strofdoten, dorënner Handel mat Déidungsmëttel, Geiselnamen, Ustëftung zu Sprengstoffuschléi zu Köln, Engelskirchen a Duisburg, ugeklot, sou dat zoustännegt Geriicht zu Köln.

Am Laf vum leschte Joer huet den Haaptugekloten zesumme mat der Band, an där hien, laut der Uklo, den Uféierer wier, mat ronn 1,3 Kilogramm Marihuana a méi wéi 50 Kilogramm Kokain gehandelt.

Nodeems dëser Band eng 350 Kilogramm Marihuana geklaut goufen, hunn den Haaptugekloten a säi Kompliz aner Matugekloter dozou ugestëft, eng Rei Persounen z'entféieren an duerno stonneweis ze péngegen, fir Informatiounen iwwer d'Déiwe rauszefannen.

Ob d'Uklo zougelooss gëtt an et zu engem Geriichtsprozess kënnt, gëtt elo vum zoustännege Geriicht gepréift. De Prozess ass Deel vun engem ganze Komplex u Prozesser, déi a Relatioun mat engem Drogekrich zu Köln stinn.