Et ass elo schonn deen déidlechste Bëschbrand vum 21. Joerhonnert a Spuenien. Nom Dout vun op d'mannst 12 Persounen, kämpfen d'Pompjeeën an der Provënz Almeria nach ëmmer géint d'Flamen. D'Situatioun huet sech awer an de leschte Stonnen e bëssen entspaant, well de Wand méi schwaach ginn ass an d'Loftfiichtegkeet an d'Luucht gaangen ass.
6.600 Hektar Land si scho verbrannt. Ënnert den Doudege sinn och auslännesch Touristen, warscheinlech Britten a Belsch, mä d'Affer sinn nach net eendeiteg identifizéiert.
Den Ament ginn och nach ëmmer 23 Persoune vermësst.
Alles an allem hu Bëschbränn zanter dem Ufank vum Joer elo schonn iwwer 60.000 Hektar a Spuenien zerstéiert. Déi ganz ibeeresch Hallefinsel, mä och Frankräich, ass exzeptionell fréi am Joer mat Bränn konfrontéiert.
