Koppele maache mat 63 Prozent de Gros vun de Stéit aus. Déi allermeescht Leit liewen a private Stéit, 11.331 Persounen a Kollektivitéiten. Dorënner falen nieft Altersheemer och Kasären, Prisongen a Foyere fir Erwuessener beispillsweis. Wat opfält ass, datt d’Lëtzebuerger ëmmer méi a Menagen ouni Kanner wunnen, am Géigesaz zu den auslännesche Stéit, déi sech aus ëmmer méi Famillje mat Kanner zesummesetzen.
An de leschten 10 Joer ass den Undeel u Lëtzebuerger Stéit och liicht ëm 0,2 Prozent zeréckgaangen. D’Stéit, an deenen déi sougenannte Referenzpersoun aus dem Ausland op Lëtzebuerg komm ass, sinn dogéint ëm iwwer 55 Prozent gewuess. Eng Evolutioun gouf et och bei den Elengerzéier. Do waren 2011 d’Fraen nach largement an der Majoritéit. Haut ass et, wuel duerch déi gedeelte Gard vun de Kanner, méi equilibréiert.
