Ponts et chaussées ginn EntwarnungKee Rass an der Staumauer, mä Drëpsschlag

RTL Lëtzebuerg

Besuergten Awunner aus der Géigend vum Stauséi hunn an der Lescht observéiert, dass d'Staumauer plazeweis eng staark Moosbildung hat an sech gefrot, ob et hei ee Problem vun Ofdichtung gëtt.

Verëffentlecht: 14.10.26 16:58, Update: 14.10.26 17:12

Den Drëpsschlag an der Staumauer géing keng Suerge maachen. © Mobile Reporter

The photos published on this site are subject to copyright and may not be copied, modified, or sold without the prior permission of the owner of the site in question.

Et ass kee Rass an der Staumauer. Dat erkläert de Spriecher vu Ponts-et-chaussées* e Mëttwoch op RTL-Nofro. Awunner aus der Géigend vum Stauséi hate sech Suerge gemaach wéinst Plazen, op deene vill Moos gewuess ass.

Dem Ralph Di Marco no wier dat awer just en Drëpsschlag, respektiv e Ruissellement vu Waasser, op där Plaz, op där verschidden Deeler vum Bëton openeen treffen. Dat wier bei esou Bauten heefeg a wier an der Vergaangenheet och scho méi dacks virkomm.

Dës Ruissellementer hätte sech bis ewell och ëmmer no enger gewësser Zäit resorbéiert, esou datt net geplangt ass, hei z‘intervenéieren. Ausser et géif dës Kéier besonnesch laang daueren, da kéinte punktuell Entretiensaarbechte gemaach ginn.

*An enger éischter Versioun vum Artikel hate mir vum "Direkter vu Ponts-et-chaussées" geschwat. De Ralph Di Marco ass allerdéngs Spriecher vu Ponts-et-chaussées.

Am meeschte gelies

Police gëtt Detailer

81 Joer ale Mann no Hausbrand zu Ettelbréck u schwéiere Blessure gestuerwen

Abbé Carlo Morbach gestuerwen

179 Punkten zu Fameck (F) ofgezunn

Gendarmerie verhänkt haart Strofen... géint frësch bestuet Koppel an hir Gäscht

Champions League

Atlético klappt United, Brügge iwwerrascht a Bayern verspillen d'Victoire an Norwegen