RTL Radio, Télé an RTL.lu bleiwe Leader zu Lëtzebuerg - Mir soe Merci!
All Woch lauschteren 298.300 Leit RTL Radio Lëtzebuerg, 262.600 Spectateure kucken RTL Télé Lëtzebuerg an 238.300 Visiteure surfen op RTL.LU.
Dat sinn d’Resultater, déi aus der aktueller Plurimedia-Etüd vun der TNS ILRES ervirginn.
All 6 Méint loossen d’Regierung an d’Haapt-Medienhaiser (Editpress SA, IP Luxembourg/CLT-UFA a Saint Paul Luxembourg SA) via TNS-Ilres préiwen, wéi de Mediekonsum zu Lëtzebuerg evoluéiert.
Mat bal 300.000 Nolauschterer pro Woch ass RTL Radio Lëtzebuerg dee meescht- consomméiert Medium zu Lëtzebuerg a bleift domadder de Leader vun alle Lëtzebuerger Medien. Bei de Nolauschterer sinn 69% Lëtzebuerger an 31% auslännesch Residenten, déi am Duerchschnëtt 2,5 Stonnen den Dag eise Radio lauschteren.
RTL Télé Lëtzebuerg gëtt an der Woch am Duerchschnëtt vun 262.600 Spectateure gekuckt, dovunner sinn 71% Lëtzebuerger an 29% auslännesch Residenten. Si kucken Télé Lëtzebuerg all Dag 59 Minutte laang.
Op RTL.LU sinn all Woch 238.300 Visiteuren ënnerwee, dat sinn 46,4 % vun der Populatioun vun iwwer 12 Joer. Domadder ass de Lëtzebuerger Informatiouns-Site dee meescht-consomméieren Internet-Medium am Land. 31 % vun de Visiteure sinn auslännesch Residenten.
RTL Radio, Télé an RTL.LU beleeën an der Wochenaudienz déi 3 éischt Plazen am Ranking vun de Lëtzebuerger Medien.
D’ganz Ekipp vun RTL Lëtzebuerg seet Iech MERCI fir d'Vertrauen, dat Dir eis Dag fir Dag entgéintbréngt.
